我哋去Cordis度睇過場，覺得場地好靚，食物又係米芝蓮，不過真係out budget所以開頭都考慮咗一陣。不過我哋遇到個好好嘅sales，傾得好好，同埋佢俾我地個offer亦都好吸引，加上本身Cordis嘅食物同埋交通方面嘅條件都係好好，所以就決定喺Cordis度擺。

嗰位Sales唔只同我哋傾嘅時候好好，之後實務都真係跟得好好，差唔多幫我哋執好晒成個流程，當日亦都好smooth。我哋有唔同request或者想要啲咩野，佢哋都會擺得好好，同埋最後都會俾到我哋。唯一有樣唔好就係交場遲左，本身話5pm交場，新娘房麻雀房就5:30，但係我哋等到5:30，佢地都未清好場，仲setup緊俾我哋，係呢樣麻麻啫～

當日我地擺19圍，個場最多係擺20，所以空間上就都ok。另外佢哋收費都好清楚，寫得好清晰，無任何隱藏收費，整體都好滿意～！