我地9月擺酒，但我地到8月頭至8月中先決定要個candy corner，嗰時上網都揀咗好多間，都有去問過，但好多都無覆我。Rosemantic就覆得好快，而且係出到好多design俾我。因為我本身係想個candy corner 有幾款嘢食，但係好多間都淨係做一樣，Rosemantic就好好，可以俾我地揀。

最後我地係要哂cookie、蝴蝶酥同埋cupcake。佢地個flexibility好高，同埋佢地好細心會問埋我地成個婚宴流程，睇下可以點樣配合我地。佢會每款餅再detail問我地想點整，又會幫我地decorate個放食物位。佢地知道我地個主題係花，都好配合到，睇返D相都覺得好靚，同埋D食物嗰日都係好受歡迎，好多人都讚係好好味～！