因為我地係同另一pair一齊去影相，而佢地好快就決定咗搵Dr. K～我地都無咩所謂就跟住一齊用佢。我地去咗法國影，佢送埋一段video，我地喺big day度播出嚟嘅時候個個都讚，都話好靚！

旅程中特別深刻嘅係我地喺巴黎鐵塔嗰度影相嘅時候，咁啱見到有成30幾40個法國單車手喺度，攝影師呀Keith就話你地夠唔夠膽問佢地影唔影相，我就幫你影。其實唔係佢咁推一推我，我都唔會夠膽咁樣去request，始終佢地都唔係香港人，係法國人喎～u3000但係張相最後影出嚟係有成班單車手做背景，好靚，完全係masterpiece！到而家我都仲係覺得張相好震撼好靚，我地個個都係好鍾意張相～