我覺得佢地好細心，啊Dick會好細心咁解答我地嘅問題。例如成個場地嘅設計、進場，同埋點樣同啲賓客close 啲，佢都比好多advice我地～ 本身其實我地都有啲 idea，但係就唔係好識得表達或唔係好表達到出嚟自己想要嘅感覺，而佢地就好有耐性咁去聽，會做到個感覺滿意為止。可能我藝術方面唔係好sensitive，所以有時都未必會明佢地嘅講解，而佢地又未必好明我想表達嘅嘢，所以希望佢地係呢方面可以再進一步去盡量理解～不過其實我覺得佢地已經好有耐性~ 而且佢地好有交帶，令到我地有好信心，覺得佢地嘅服務質素好好👍🏻🎉！

我地最後選擇咗簡約優雅嘅風格，初時都係會有修改，好在佢地都好有效率，通常都會講明一個時間前交到，好清晰～而且個佈置質素都好靚，我地都好滿意~ 本身台上面佢幫我地放咗好多花擺係上面，不過我就同佢地反映我地會有好多friend（講緊三四十人，所以應該會睇唔到啲花花🌸。之後佢地就幫我地轉咗個六菱形嘅燈，都好elegant。佢地整喺台度嘅backdrop我都好鍾意~ 另外就係出面嘅foyer，我地諗唔到咩主題，佢地就提議將我同老公嘅合照放大佢，咁啲客就可以好似同我地合照咁去影相，出到嚟嘅效果都好令人滿意。我地覺得佢地嘅設計好好，而且會回應客戶嘅需要，服務質素真係好好👏🏼👏🏼。