我地喺facebook度睇到有人介紹佢地，又覺得啲花幾靚～ 花就喺佢地度買咗一個真花球同埋一個假花球，至於啲枱同車嘅花就都係買真花。

店主Tiffany好好，但係啲staff就麻麻 。原本約咗6點拎花，但佢地就遲咗1個鐘，成7點先有得攞。另一樣就係個staff前一日仲問我地：你地咪訂咗啲枱花嘅，係送去邊㗎？？咁我聽日就係婚宴，你無理由唔知道送去邊㗎麻？～ 因為我一早就話咗比佢知個地址，佢仲話：哎呀！總之你send個 WhatsApp比我啦！我就即刻呆咗，唯有影返張單比佢睇。其實佢啲花係靚嘅不過啲管理就亂咗啲。

同埋我地拎返嚟嘅花嘅style同原先傾好嘅好有出入，我仲問老婆：乜我地係要呢款咩？ 因為我老婆係鍾意外國嗰種wild 啲嘅style，即係多啲草裝飾，唔係圓dum dur嗰種花球，但我地攞到嘅就比較圓。其實個花球嘅樣係靚嘅 ，啲色配合得唔錯，但就唔係我地想要嗰種！

當初其實我地都好驚啲花會好快謝，就有問老闆，老闆就話唔會～前一晚去拎嘅時候佢有比水，就話得㗎啦......挨到兩日㗎喇 ！ 其實望返我地個車花，經歷咗由葵青去西貢再返屋企都無穿無爛，所以係okay，無出現啲花好快謝嘅情況！