其實係朋友建議我地搵Jason Pang Gallery，我地先至認識佢地。之後我地睇佢地啲作品都覺得幾pro👍🏻，咁比較過其他，都係覺得佢地風格同其他唔同，同埋佢地嘅相嘅選點都好unique，就揀咗佢地。

我覺得佢地真係好細心💗，呢個都係我地好欣賞嘅地方。我地每次開會，佢地都會好細心咁俾好多提醒我地，提我地到時會曬／多蚊。Rundown上面佢地都會俾好多意見，樣樣嘢都跟得好仔細，又會解釋啲妝會點樣轉。開完之後，佢地又會俾個list我地好清晰到時要執啲咩去影相，令到我地唔會到時好唔知點或者好驚攞漏嘢。 我地啲衫係喺出面租嘅，佢地都會俾好多recommendation。我地想要拖尾，佢都會教我地要點樣揀，咩款比較合適，男禮要揀咩色先可以配合返同襯到其他衫。

最後我地揀咗影四個地方，兩個室內兩個户外，所以都好豐富。户外係我地睇完佢啲相之後，佢地suggest俾我地，而當日成個rundown 都同我地計劃嘅好接近，時間control得好好。 當日化妝師都好好，跟足全程，仲幫我地轉換咗幾次妝，係真係洗哂個妝再化過！呢個真係out of 我地expectation～🌟🌟🌟！因為我地原本都諗住可能會一個妝去到尾，所以呢個位我地真係幾欣賞！ 除咗攝影師，仲有兩個同事跟住，佢地都好好，幫我地揹哂啲嘢，又同我地一齊爬石咁影，真係辛苦佢地🙏🏼。

另外，佢地好清楚知道自己要做D咩，知道點樣影D相先會靚。有時我地見到D位覺得可能咁影會靚D，就主動問吓佢地。佢地就會解釋俾我地聽唔會，仲會話：唔緊要我地可以影哂兩邊，俾你地揀。最後影完出嚟當然真係覺得佢地影嗰張靚D，但係佢就係會好願意同我地去溝通。而出到嚟個效果都好好，我地都好滿意🤗！