因為我喺教堂行禮，所以就覺得啲款Grand D 會適合啲。我係Facebook見到佢地嘅款，就覺得幾Grand同幾啱自己，不過就無即刻決定，都要去試吓先知。

除咗FOI我仲試咗另一間，佢地係我第二間去試嘅舖。上到去睇佢地有好多款，啲衫都keep得好靚，而且試衫個環境都好舒服。初頭試嗰時覺得啱我身型嗰啲就唔係好靚，靚嗰啲就唔係好啱我嘅身型，不過後來再試咗兩三件都覺得幾好。嗰次上去我揀到一條真係好想要嘅婚紗，而我啲朋友又話ok，自己又懶唔想再比較，就join咗佢個婚紗plan。不過可能嗰次試係收工時間，都阻住佢地收工，個staff就麻麻地。但係之後嗰幾次我上去係晏晝時間，佢地就serve得超級好👍🏻👍🏻👍🏻！而且第一次serve我嗰個人，我之後都無再見過喇。

隔幾日我又再上返揀晚裝，都揀到，所以又join埋佢個晚裝plan。我覺得佢地都會好主動幫我，而且都好專業，靚就話靚，唔靚就唔靚，會好直接咁俾一啲意見。其實第一次揀個啲衫我自己覺得係ok喇，唔算特別靚，佢地都話我知6月會返一批新貨，可以到時留意facebook相。雖然我都有留意啲新款，但係我再去嗰次已經係final fit，佢地都好welcome我去試啲新款！嗰次試到一條新款我好鍾意，所以最後都換咗，真係好滿意！！另外我本身都揀咗條紅裙，都覺得ok，不過佢就攞咗條有少少魚尾嘅款叫我試吓。我自己一直都知我著魚尾唔會靚，就唔係好想試，但係佢就係咁講「試喇，信我喇～會好靚！！」見佢咁熱情我就試喇～嘩！估唔到一試完係叮一聲！大家都覺得好靚，我自己都好鍾意！最後揀個啲款全部都係我好鍾意好滿意😍💯！