我地一開頭係搵咗近排結婚嘅朋友D相，睇下佢地邊個stage係特別D，因為我地唔想同其他人一樣，個個都係花牆。後來搵到一個朋友結婚個stage幾特別，就問返佢用邊間，就係Sweet Decoration。

我地都唔係一問完就決定，其實總共都比較咗三間deco公司，不過都係覺得Sweet Decoration 佢地彈性最高。我好欣賞佢地flexibility好高～因為好多deco公司嘅設計都係package A＋B或者係B+C咁，但係佢地就真係好flexible，柱位要點樣揀又得，出面同台上面個setup唔一樣，唔同style又得，同埋佢地嘅價錢都係合理。

我地俾D意見要佢地改，佢地都會改到。基本上我地有咩要求，佢地都會配合到，同埋最後做到出嚟個效果係好靚，靚到型！因為我自己想要有D舞台效果，佢地都做到～同埋做到出嚟都真係好靚！個個都讚，影相出到嚟都係好靚～！