海景嘉福洲際酒店
InterContinental Grand Stanford Hong Kong
4.6
香港尖沙咀麼地道70號
2721 5161

客戶評語

hong2601
5
精選評語
服務 / 婚宴日期: 2019.01.05
睇海景嘉福之前,其實我地睇咗好多間其他場地,但係有啲就大細唔啱、有啲就無期、有啲就價錢唔啱,又有啲係Sales好似溝通唔到咁,講極都唔係好明我地想點。但係海景嘉福一開頭同我地接觸嗰個Sales,Alvin好易去溝通,講解得好清楚!而且場地大細同埋價錢最適合我地,💰價錢係接近我地預算,所以就決定搵佢地...

睇海景嘉福之前,其實我地睇咗好多間其他場地,但係有啲就大細唔啱、有啲就無期、有啲就價錢唔啱,又有啲係Sales好似溝通唔到咁,講極都唔係好明我地想點。但係海景嘉福一開頭同我地接觸嗰個Sales, Alvin好易去溝通,講解得好清楚!而且場地大細同埋價錢最適合我地,💰價錢係接近我地預算,所以就決定搵佢地。

Alvin好好,好清楚成個流程,都會好帶領到我地要點樣配合,佢地又可以點樣配合返我地,溝通都係好快速,好有效率!因為我地早一年前就開始搞,中間有WhatsApp、面對面開會或者Email等等,我開會嗰陣又成日都會有D奇怪古靈精怪問題,有時我都會發現自己又重複問咗同樣嘅問題!有時我自己真係唔記得咗D細微嘢,但係佢地係好好,唔會黑面,仲會好詳細咁解釋返佢地點解會咁安排等等,服務真係好好👍🏻👍🏻👍🏻。

到咗big day 當日,Service Manager真係跟得好好,反而我唔好意思,我成日話轉頭搵返佢,最後我就掛住做其他嘢無搵返佢。但係佢跟得好好,成個流程所有細節都做到,同埋佢會知道咩事就問咩人,例如係主動去問返MC或者啲兄弟姊妹,好幫到手。

問返D賓客,個個都話幾好,啲侍應上菜都好醒目,同埋唔會話要叫幾次先斟嘢,都好快手。喺Banquet嘅標準下,啲嘢食都係好好味😋!後尾幫手set場佈置嘅兄弟姊妹仲同我地講返話連個Service Manager都有幫手,落手落腳去擺嘢,呢樣我地真係無expect過!我big day 前一晚已經喺佢地間酒店度瞓,第二朝喺度出埋門,婚宴完咗就再瞓多晚先走。成個過程中我接觸到嘅每一個staff都係好好,好nice,好幫得手👏🏼👏🏼!!

感謝您給予我們好評,我們很榮幸能為您舉辦圓滿的婚宴,再次祝您們新婚愉快。很高興得知您對Alvin及宴會部團隊的高效率、專業及細心的服務態度十分滿意,我們希望您能輕鬆享受婚宴每個難忘時刻,所以致力照顧婚宴每個細節。我們期待您繼續選擇酒店為您的宴會場地,與您慶祝更多重要時刻。