我地睇完幾間公司之後覺得Lifetime Wedding啲設計好靚，係我地想要嘅style，簡簡單單唔會太花巧。同埋我地想要有拱門同花路之類，我見佢地都有做過。

整個合作都好好，我地講返我地個要求，或者D尺寸想點樣大細各樣，佢地都會fine tune返俾我地，唔會話係得一個size，所以配合度都係好高。我都明白我地結婚喺peak season，佢地係會比較忙，不過如果中間啲時間佢地可以覆得快D就會更加好。雖然覆得唔算快，但係佢地都會答得清楚，有時仲會錄音俾我地。另外我地request想要個紅酒桶，開頭佢地搵到嗰個太細，我地就俾咗D reference圖佢地。佢地睇完之後都可以配合到，搵到個啱我地嘅，出到嚟效果都好好，好靚。