我覺得天澄閣有兩大元素係好好✌🏽：第一，佢地係住宅式酒店，夾返我自己原本都想喺酒店擺,同埋個價錢都合理👍🏼第二就係佢容許我放冷煙火，樓底又夠高。其實開頭佢地都好驚，不過後尾慢慢一步一步咁傾，佢又見到decorations嗰邊真係有哂消防D人嚟check 過哂，又有人監督，佢地就放心😎😎。雖然用咗啲時間去安排同說服佢地，但overall個service真係好好👏🏼成個過程佢地都幫我跟哂，我直頭以為自己請咗wedding planner！😂

我地擺咗28圍，因為夠數，佢就送埋個MC俾我地，嗰位MC會好主動同我地夾，而且當日control個場都做得好好。當日嘅 staff都serve得好好，而且個個都話D嘢好食😋我有個朋友食嘢好奄尖，都話新年叫我過去飲茶。我地覺得無論食物定係service，天澄閣都好好，所以整體嚟講真係好滿意！👏🏼