當初市場上咁多選擇，我哋其實係之前參加過朋友嘅喜宴，已經對天澄閣留低好印象。之後拎咗catalog，又上網睇過資料，約埋日子去現場睇場，發覺真係好啱心水！無論環境、氣氛定食物質素都好好，加上價錢都喺我哋預算之內，所以最後就決定揀佢哋！

第一次接觸天澄閣團隊，已經感受到佢哋嘅專業態度。佢哋好清楚我哋想要啲咩，亦都好清晰咁回應返我哋所有疑問，態度非常友善，呢點真係好重要！

其實搞婚禮真係好多瑣碎事要跟，但好慶幸可以喺天澄閣度擺酒。好多嘢你完全唔使煩，有專業嘅同事自動埋位幫你跟進，令我哋可以好安心咁享受自己嘅big day。成個流程都非常順暢同順利，之後聽返啲親朋戚友嘅feedback都係讚好，真係好開心！

特別想感謝經理Ruby！雖然一開始唔係佢負責接洽，但佢pick up得好快，而且好清晰好專業，令我哋唔使重複再重複。佢真係好貼心好細心，晚宴前一兩日仲會關心我會唔會好肚餓，特登幫我留定啲席前小食！當日其他同事都好關照我哋，隨時準備定水、幫手拎裙擺等等，真係好多謝佢哋！

我老公都好滿意呢個選擇！佢一開始睇場已經好鍾意成個裝潢設計，特別係無柱嘅場地真係好吸引，加上價錢合理，整體我哋都好滿意！

唯一可惜係泊車方面，始終地理位置上唔算超級方便，如果有泊車優惠就更加完美啦！不過瑕不掩瑜，我哋都會俾5分滿分，絕對值得推薦！

揀婚宴場地真係要考慮好多因素，最後我哋揀咗紅磡天澄閣，真心覺得揀啱！

一開始我哋篩選場地嘅時候，最緊要係地點方便賓客。天澄閣喺紅磡，揸車去好方便，泊車位又多，搭巴士都好方便，就算搭地鐵都只係行少少，絕對係可接受嘅範圍。之後我哋睇食物質素，上網睇過啲feedback都幾好，仲特登去試食過晚市中菜，水準好穩定。

場地環境方面，佢樓底高，我哋擺十零圍都覺得好舒服，個空間感好好又唔迫。最正係佢有個室內園林証婚空間，唔使行出行入搵戶外位影相，又唔使擔心天氣因素，咩都喺室內搞掂，超級方便！連新娘房同賓客洗手間嘅裝修都好整潔，呢啲配套細節我哋都好滿意。

簽約之後，團隊服務態度依然好nice！宴會經理Ruby好積極同我哋夾，又會主動提我哋要準備同處理啲咩，有問即答，畀咗好多專業意見我哋。宴會當晚仲要讚一讚Chris同埋照顧新娘嘅Lu姐，我哋玩小遊戲遇到技術問題，Chris即刻幫手處理，應變能力一流！Lu姐照顧新娘子非常細心，令佢唔會緊張，仲會關心我哋，真係好窩心。

另一半都話非常之好，讚賞大家處理問題嘅能力，賓客都食得好開心，場地環境獲得一致好評！如果可以改善嘅話，希望將來可以申請寵物友善牌照，同埋將証婚位置改成可開合嘅半開放空間，咁就更加perfect啦！

整體服務我哋畀4.5分，極力推薦紅磡天澄閣！