我join咗佢哋酒店一個出門嘅package，包一晚太太同屋企人嘅套房住宿、敬茶杯碟、一晚停車位。

敬茶前我哋有request過想要多一套敬茶杯碟，怕斟茶時要洗杯會好花時間，但係因為太多新人，佢哋冇辦法提供多一套。雖然無影響整個流程，但最好可以比多一set。

第二日出門嘅時候，同時酒店有二、三十對新人一齊出門，好彩我哋九點早出門，好smooth，冇乜問題，但後來喺同一日出門新人開嘅WhatsApp Group度聽返其他新人講，佢哋出門嗰時等𨋢要等好耐，排曬隊。雖然已經有幾架𨋢，但晏少少出門嘅新人嘅流程就唔太smooth。