最初係朋友介紹Monalisa俾我哋，話影完個效果好靚，同埋box set都好靚。咁啱我哋喺婚展度同佢哋個sales又幾啱傾，同埋見到佢哋水晶面個box set真係好靚好特別😍，D配套同相簿都好靚，同出面嗰D真係唔同，所以都無再點比較其他就用咗佢哋。

之後都好快手就約到時間可以上去揀同試裙，安排好各樣嘢。D裙都比我想像中多同keep得好，係一定會揀到想要嘅款。化妝師都好好，因為我其實都無咩idea想點整個造型，但係我都信哂個化妝師。佢幫我襯哂所有嘢，衫、髮型、飾物都襯好哂，中途轉咗3個造型，全部都好好👍🏻👍🏻。

個攝影師都好好，跟足我吔要求，而且影得好好。因為我地想影D香港特色D嘅嘢，例如係D招牌，所以就揀咗深水埗，中環石板街同埋西環碼頭。有個位都好surprised，攝影師知道我哋想影D香港特色✨，就額外帶我哋去多咗個地方，停多站喺星街🌟。呢個係我地無request嘅地方，出到嚟都係好靚，我哋都好鍾意！去到揀相，比我想像中快，同埋其實當日影到最後都係好攰，但係佢哋全部都無話好攰，都係好盡力、好努力咁幫我哋影，好professional👍🏻！