我地係１１月中結婚，４月嗰陣決定係Wedding Concept度訂造姊妹裙。 我有５個姊妹，一路都無咩特別，去到８月就話要度尺寸去訂造。到１０月中，我問佢地點，佢就話會再覆你架喇。佢地Ｄ開工時間好奇怪，一至三都放假， 四至日又唔係開日頭，總之Ｄ時間好難夾😓到左１１月頭，距離我結婚仲有兩個星期，就叫Ｄ姊妹去試衫，５件有４件都係有問題，仲要Ｄ尺寸差好遠。時間已經趕，佢地又話幾時要上廣州幫唔到我地改。 一係就改完都仲有好多問題， 最後我有個姊妹條裙係改唔到，要兩個姊妹對調條裙解決，真係非常失望😤！