我喺婚展見到佢哋，試完佢嘅婚紗發現好啱我嘅要求😆我鍾意簡約得嚟又有個人特色嘅歐美款，佢哋好多歐美款式，又有設計感。去鋪頭睇實物有好多款嘅裙，鋪頭環境亦都好靚好整齊。呢間舖頭有限制試婚紗嘅次數，但我自己唔太執著呢一樣嘢，接受到都ok！佢哋建議咗幾件畀我試，Frances對婚紗嘅款式好熟，好了解客人氣質同身形啱著邊件婚紗，意見非常專業、幫到客人👍🏽其中一件婚紗側邊個衩開得比較大，Frances知道我擔心，所以專登幫我改細啲。每一次試婚紗Frances都有幫我影曬相，畀我知道邊一件比較適合我，佢推介嘅款式畀我自己揀嘅更好！ 後來佢哋搬咗去一個studio，我睇過佢哋其中一個職員Ray嘅相簿，覺得studio個景好有復古嘅味道，我想著佢地嘅婚紗影一輯有復古味嘅相，佢哋亦有做優惠畀我哋，所以喺佢哋度影咗一輯結婚相😎影室內studio嘅難度比較高，有好多近鏡，而攝影師嘅攝影技術好好，好帶動到氣氛！我影相時距離婚禮仲有兩個月，佢哋都好快交到貨！佢哋嘅studio有好多唔同嘅佈景板，例如：韓式、英式等等。我覺得如果有機會，可以join曬佢哋租婚紗、影pre wedding同big day嘅package應該係最抵😆！