譽宴星海個價錢幾好，本身個場又好靚，完全無柱，亦唔需要額外加多一舊錢去搞佈置💪🏽佢哋上乳豬時有個好有創意嘅gimmick，會喺每一張枱上面播一條片，直接投射喺張枱上面，個動畫好得意，之後就會上乳豬😆😆我哋當日食唔到佢哋嘅菜式，但聽朋友講佢哋嘅鮑魚係ok，不過份量少咗啲，如果份量多返啲就更好！最後生果部分得水果杯同橙揀，但水果杯唔太見得人，所以我揀咗橙，如果佢哋可以整個靚啲嘅拼盤會更好。佢哋送咗個好靚嘅second backdrop比我，擺喺場地後面，相同實物一樣，比我想像中靚好多，所以就唔需要再搵deco😁佢哋個景係維港景，加加埋埋我覺得性價比好高！