我喺網上周圍search for bridal wear，搵咗好耐都冇特別啱心水 🤔見到 Adele嘅婚紗比較古典，我睇啱於是就約左個時間上去試。佢哋嘅款式幾多，好啱我心水 😌Ray同Frances係負責跟我嘅職員，佢兩位都係非常好嘅人，我自己係有少少選擇困難，都好appreciate佢哋嘅honest advice，幫到我揀適合嘅婚紗。揀婚紗時我哋有提過我哋未搵printing company去print囍帖，遲咗好多搞，所以有一個好唐突嘅request，Ray好好人咁幫我地做埋design、搵咗間印刷公司幫我哋print囍帖，係咁短時間內搞掂曬所有嘢，所以我哋好感激佢👏🏻！婚紗方面我自己揀嗰幾件都幾舒服，但有其他婚紗cutting係比較難著上身，或者有少少瑕疵，所以要認真揀，不過影相唔會有大問題。佢哋部分衫保養得好好，但有部分著咗幾次就已經甩線，有啲可惜，如果可以保養得再好啲就更好😬In general，我們好滿意佢哋provide嘅service！我先生都好鍾意佢哋嘅衫，佢揀咗一件淺啡色格仔嘅西裝，但佢從來冇預過自己會著呢一類風格嘅衫，好特別！Ray亦有介紹佢點樣襯，所以佢換咗一副八角形嘅眼鏡，雖然唔係佢平時會著嘅style，但佢好appreciate，好襯佢！👍🏽