我地揀Rosy Decor 主要係因為同佢嘅對話裡面都俾佢地吸引到喇，同埋我見到佢地圖版度都有我想要嘅野，會有整D閃閃嘅燈咁樣做到生動D既佈景板。我地其實都有比較過其他兩間，都見到佢價錢上係抵過另外兩間，而且做出黎都ok，合乎我想要嘅野，所以決定揀Rosy Decor。我覺得同佢地D staff去傾嘅個過程係舒服，佢地都會聽我地嘅意見，都會引導我去揀我嘅主題，又會叫我地搵下我地想要嘅野去做下參考俾佢地知道我地想要咩，佢都會做大概差唔多嘅野。中間個溝通係好好，好快，我諗大概一個禮拜度就會跟住我地意見去改到D圖。同埋佢地係俾3個versions 我地去揀，做出黎都係我地想要嘅野。 佢地最後整出黎嘅野真係好靚架！如果佢個字體上可以再多D選擇就更加好喇，包括帖上面個貼紙喇，同埋我地佈景板寫我地名個字體，如果再多D款就更加好喇！我地佈景板嗰度有個銀河嘅，有個閃閃燈整到好似滿天星星咁樣，真係整得好靚🌌！出到黎個效果都係好好，亦都係出乎我意料之外。同埋我想像出黎同佢俾我睇嗰個圖...原來真實出黎係仲靚過我想像到💖！好多嘉賓都好欣賞話好鍾意，都覺得好特別😍我好欣賞佢地個設計真係做得好好！同埋佢地真係會按住我地想要嘅地方去做～我個陣request過想要D閃閃燈效果，好似星星眨下眨下咁，佢地都係做得好好，同埋顏色、色差嗰D基本上都無。 佢仲有個配套，係呢個主題之下，可以幫我整埋邀請卡做返一set，襯返個主題。我果個係女神主題，佢地又會俾D建議我地點樣整咁去配合個主題。個喜帖都合乎我期望，會俾左D顏色呀，效果係點樣，呢D都會俾我地睇左先，再去印製，過程相對就慢少少，但我自己就覺得係慢工出細貨，出到黎個效果都係好好。