一開始係經酒店場地介紹左另一間decoration，比左訂，但之後了解過覺得佢地未必係好認真，所以都無咩信心，決定唔要個訂，就同屋企人再去睇其他。屋企人見到Rosy Décor 中式嘅backdrop ，好鍾意，同埋我地再睇埋價錢，就見到其實Rosy Décor 比左discount後同之前嗰間唔係相差好遠，所以就揀左佢地😎 嗰一日睇都係睇個設計多，問左D資料，就決定落訂。我地9月幾上去，約時間上去傾個過程都係無咩問題，好順利，佢地都係好清晰。上到去傾完，佢地都get到我地想要D咩，而且我地都唔係特別話要整到天花龍鳳咁樣，係想要簡約清晰，靚就ok，最後出到黎都係好靚！我地講完我地D要求，設計嘅同事都好好，佢應該做得多經驗多，好快俾到好多suggestions同ideas我地，就算係無咩諗法嘅人去到，佢都會有ideas俾你揀到😝 我地俾D reference佢，佢都會話俾你聽做唔做到呀或者點樣做會更加好咁樣，都會俾到好多意見我地。我地都無話專登提佢地，但係佢地都係知道我地個backdrop比較大，同平時嗰度既場地唔同，要加大，咁呢樣都令到我地好放心。改圖嗰度都係好快，例如我地話個logo改一改，都係幾日內就有，唔會話要拖好耐、或者兩三個禮拜先改到咁樣。而且我地有問題佢地都會答到，不過佢地內部溝通可能有少少亂，例如我約左時間今日上去，可能會有另一個同事突然打黎你會唔會有咩時間上去呢，係呢D小小插曲。跟進我地D野上都係無問題，同埋個設計都好靚，佢地比我地想像中又裝得更加好💪🏼 可能酒店嗰度早左交場，我地亦遲左返到場地，我地去到嗰陣基本上都9成9 set好左架喇！場地12點就安排到俾我地，但係我地其實4-5點先要用，deco嗰度係佢地會自己同酒店夾，所以佢地都夾好。我地叫D姊妹幫手對下D設計呀，齊唔齊咁樣，有無野漏左嗰D，都完全無問題，全部都ok架！👍🏻 我覺得其實最緊要真係有交帶，咁先會令到人放心，佢地都做到，同埋佢地個設計真係ok 架！😀