因為我地唔係擺好多圍，係十幾圍，所以就想搵間好少少同個場地岩嘅。我地睇左好多間，佢地有啲場太大，有啲就太細，要擺到出去廳嘅大堂，咁我唔想啲賓客好似坐喺門口👀比較過場地大小，同埋洲際酒店級數都比較符合預期，所以決定係二樓ballroom擺。中間同佢地個溝通都清楚，每一次send啲文件都係好齊，每到下一個step，佢地都會通知番提番我地，同埋不論回覆定係做野都係好有效率。佢叫我地去揀唔同野，揀枱布啲色呀嗰啲全部都跟得好好，同埋覆得好快！ 我地同埋啲賓客都覺得啲野食好味😋😋 個湯又好飲， 個甜品都好好，同埋啲野食份量都好夠！👍🏻燈光呀音響嗰啲都無問題，做出黎個效果都好靚，本身個場size又ok😌 嗰日有個跟我嘅同事，又係好細心，會幫我斟水，攞水俾我飲又會俾埋飲筒，會幫我攞裙，一有時間又會遞野俾我食，換衫呀去洗手間呀全部都係好細心咁樣跟😝其他員工啲服務都幾好架，會分野食呀，我想播咩歌，佢地又會特登幫我搵首歌出黎播。 我覺得佢地性價比都高嘅！😚😚