呢間酒樓分開兩個場，我地要左大D嗰邊。我地揀佢主要因為佢個樓底比較高，個人覺得擺酒真係唔可以樓底矮，因為一來俾人個感覺係焗促，二來幾靚嘅decoration都做唔到grand嘅效果。其實拉斐特係貴嘅，佢比起東海薈其他分店貴好多，但真係俾到我一個場地嘅要求，樓底夠高，而且水晶燈夠，做到開揚效果，同埋可以望到維多利亞港✨ 跟我地嗰個係經理，辦過好多次婚禮，差唔多每一個禮拜六都會擺酒，所以佢地都係好專業。佢地都跟得好足好helpful，但都仲有小小可以進步嘅，例如去到臨尾我地要final開會，想要試音樂，我地之前有打過去打聲招呼話想呢個禮拜六過黎試音響，但可能因為佢地比較忙，個經理又無交帶落，去到佢地就好似有D愕然。好左負責音響既職員都係度，佢落左場都留低幫我地試埋Powerpoint歌呀各樣野既。

佢地都有D pacakge送俾我地，例如名牌、利是封、喜帖嗰D，同埋有D影樓prewedding送返俾我地！雖然我地無用到，但我地都覺得係好helpful💪🏼 佢地配合得好好，成個流程都係好順利。佢d projector、燈光效果都係我地預期之內，仲有D執生位，我地D兄弟都有同我地講返拉斐特D staff都好醒目咁，例如我powerpoint入面有個video，但係當初D人都唔知道係video黎，就無㩒落去，兄弟覺得有D奇怪，點解有張咁嘅相但又唔係影住對新人咁。D staff 就話不如㩒下喇，一知道係video就即刻開聲，將個燈較返光少少，同即刻幫我地調較番D mic👏🏼

仲有當初訂嗰陣都唔知D野食原來係咁高級，因為我地唔係買最貴果個plan，係第二貴... 初初睇個menu，就覺得是但喇，都係嗰D。但係原來上到枱，係比平時酒樓靚好多架！平日去酒樓可能都係乳豬呀嗰D，但呢度既我就覺得有心思D，雖然可能都係菜圃，但係會用一個靚D嘅盤，或者靚D食材去配搭。特別係個甜品！D賓客話以為我地個甜品係特登加錢架😆原來佢個甜品係用個英式銀盤，上面有D好似西餅仔嘅野，呢樣野我都係好surprised！ 同埋佢地個流程都好快，到十點鐘，就差唔多上橙。 我地由一開始到到當日都係好滿意架！😚