我地都無咩要求架，唔需要好騎呢，亦唔需要影到好似煙花大會咁誇張，只要正正常常我地都ok。 Pixel Hall Productions 俾左D參考相片我地睇，風格都係我地想要嘅野，同埋價錢都相宜，係我地個range之內，問左佢地又有期，就決定揀佢地 😁 佢地都好專業，我地係Water team，但原來Water唔係主要影相，主要個攝影師叫黑人。Water 氹得D長輩好開心，好識講說話：「飲過龍鳳茶，添丁又添壽」呢D，所以嗰日同佢地相處都係好輕鬆，好舒服，由頭到尾都好開心。

初頭我都完全唔知要做咩，因為未試過做人姊妹，又未參與過呢D出門儀式。我都唔係好知個流程應該係點樣，又無請大妗姐，就淨係靠佢，佢叫我做咩，我就做咩咁😆佢地都會好清楚咁guide到我地要點樣做！ 我地有段早拍晚播，條片係非常之滿意💪🏼！佢真係由朝到晚一D精彩片段cap得好好，個背景除左有background music, 就係我地係教堂度證婚誓詞同埋做分享，佢都cap我地個對話出黎做background。我地有D賓客睇到喊，都係我unexpected,好感動！😇

仲有我地個台好得意，台上面有個燈箱，變左會見到backdrop上面有個光環咁樣。咁佢地都好好，係臨開始未同D賓客影相之前就叫我地企上台，試下行前D行後D咁，就會知道企係呢個位，個燈光效果會係最靚，好多朋友睇返D相都話個燈光tune得好好。 我地除左買佢攝影都訂埋photo booth！黑人都有特別行過去睇埋photo booth嘅燈光得唔得，因為頭個半個鐘原來個燈光太爆，咁佢就有幫 staff 調節下個光，再俾D賓客影過，我覺得呢個地方好細心！ 佢地整體個性價比都高，我地個range係大概＄25000, 唔計photo booth, 佢$25000出黎個效果係比得上$30000-$40000個，所以我地都好滿意！👏🏼