我join左呢兩個package，囍愛祂主要係幫我佈置教堂，同埋我擺酒嗰度嘅candy corner。呢間公司都好盡責，同埋有好多花材 。佢去過太多教堂，所以有好多reference picture俾我睇到如果你用呢種花材，個感覺會係點，亦都有好多創新idea，唔會將同一個教堂用同一個佈置咁擺落黎。同埋我自制左好多相架，又或者DIY，佢都幫我擺係reception上面，排得好靚咁。我當初都諗緊我洗唔洗整個floor plan俾佢，講明呢個擺係邊，嗰個又擺係邊，後尾都發現佢唔需要咁樣，係會按住自己專業判斷去擺到好靚💪🏼 另外candy corner佢都整到好靚架！可能佢本身已經有standard嘅樣，所以同睇相時我expect出黎個效果係一模一樣，我地D同事呀親朋戚友見到個candy corner都「嘩！」一聲，話好靚💖最開心係D小朋友，又靚又有得食😆 佢又整左一個好大嘅macaroon，成個山咁樣，全部都係馬卡龍，上面有一D我地個人化嘅貼紙，有埋我地名咁 😀 佢地個彈性都係好高，問埋我場地佈置係點，我都有俾deco公司個draft俾佢地睇，大概到時場地個感覺會係咁，囍愛祂都會配合番我地個場地去整佢覺得需要嘅顏色。溝通上，呢間公司都係易約到時間同埋易溝通😇