花木
FaMuk
4.7

客戶評語

Ks18
5
精選評語
服務 / 婚宴日期: 2018.12.15
本身想搵圓球形嘅款,因為唔係太鍾意西式水滴形,就希望可以成個波咁,同埋個色系要襯返我個主題,粉紅呀粉色系再配少少金色。最後個花球係粉色為主同埋有D橙橙地色嘅花,係真花黎嘅🌺 花木呢間公司都有好多選擇架,我唔係淨係結婚去幫襯佢嘅,我男朋友應該由識我到而家所有送花都係喺呢到買返黎😝呢間公司都好好,雖然每...

本身想搵圓球形嘅款,因為唔係太鍾意西式水滴形,就希望可以成個波咁,同埋個色系要襯返我個主題,粉紅呀粉色系再配少少金色。最後個花球係粉色為主同埋有D橙橙地色嘅花,係真花黎嘅 🌺 花木呢間公司都有好多選擇架,我唔係淨係結婚去幫襯佢嘅,我男朋友應該由識我到而家所有送花都係喺呢到買返黎😝呢間公司都好好,雖然每一次整花俾我既時候都係同一個收花人,但係我每一次收到都係有驚喜架!我鍾意嘅色黎黎去去都係粉紅去到紅左右,但係我每次收到都係有唔同嘅花材,同埋有唔同配搭!😌雖然係同一個色系,但係會感覺到成紮花係唔同。 通常見呢間公司嘅人都係負責送花嗰個男人,我上到去花木公司度揀花先係第一次見插花嘅女店主。佢都好清楚我個要求,大概要咩顏色,又會話俾我聽我結婚嗰陣,佢地會入D咩花材,亦都會問我有D咩係一定唔可以喺個花球度出現。咁我都好清楚同佢講,我一定唔要見到有黑色花蕾,同埋唔要D一粒粒呀或者滿天星咁,佢都問得好清楚。我有兩個花球嘅,一個朝早出門係紅色花球,晏晝行教堂又有一個。另外我都係幫襯佢上頭嘅花材,佢都係之前一晚十一點幾送去我酒店比我上頭,呢個我都係好appreciate架!我都有問佢:「你咁夜送黎,你點走呀」佢都話唔介意咁樣,最緊要係個花材要新鮮 😳同埋佢每一次都會教我點樣保養D花材,每一次都會話「我地pack好曬D箱,有哂D養住佢嘅水,你唔好曬親佢,臨上頭嗰陣你先好剪」所以真係好細心😇 同埋父母感謝花都係幫襯佢,佢都好識做,兩紮一模一樣,公平最緊要😆 呢D細節位佢地係顧得好好!D花都keep到,我奶奶嗰紮花都keep左兩個星期有多,雖然有少少謝,但之後一路用D養水養住佢,俾番D營養,都差唔多keep到一個月👏🏼另外,佢都有問我會唔會拎返我D花球俾佢地做乾花或者保鮮花咁樣,會有埋呢D服務,所以佢地個性價比都幾高,二千幾蚊包哂所有野😊