我大家姐喺煌府擺過酒，煌府嘅旋轉台好吸引，亦可以擺好多圍，所以揀咗佢哋。我要求唔高，場地好、食物夠熱就OK！Kenny係負責我嗰位經理，我有提出過要旅遊巴接送賓客，同轉咗一兩道菜式。本身我揀咗紅磡嗰邊擺酒，但後來轉折後去咗尖沙咀擺，佢哋本身話尖沙咀人多車多就唔包旅遊巴，Kenny人好好，話可以包一架。可惜嘅係，我編排好賓客坐咩位後，佢哋內部搞錯左，台上數字上打錯咗，搞到賓客搵唔到自己要坐咩台，令到一開始有少少混亂，延遲咗幾個字，趕時間下搞到有朋友唔可以坐返埋一枱，分開幾枱坐。