我地喺伯大尼小教堂行禮，但就唔係十分之滿意，因為佢係零幫手！嗰日佢得5分鐘編左俾我地去set up，我地同佢講話有個老人家係坐輪椅架喎，可唔可以早D俾佢坐，佢都係話唔得！😅所以我地都唔係太開心呀整個過程...🙈 佢係政府嘅保護文物，所有野都揸得好緊，所以好多野都唔得。時間係超級趕，但係又有好多野要搞☹️ 同埋佢有條斜路，我地架大巴因為法定，係唔可以入去禮堂，所以老人家拐仗嘅都要行條斜路，所以就非常之差 😣 車位又唔多，只係得兩個！但係我地有幾百人，連的士都無位落，要喺下面落，再行返上去。當日個個著哂高跟鞋都係要咁行 😣 溝通方面就好公事公辦，好似公務員咁，佢俾張form你，又無得site visit，只可以你簽完落cheque 嗰日先可以site visit。嗰日都未prepare到decoration嘅野，我地問佢佈置公司黎左，可唔可以望下，佢就話唔得，每人都係得一次，嗰日己經係架喇，咁我都只係「吓」一聲咁！ 去到最尾，同張相影嘅係一樣，都乾淨嘅，係細D，但係無辦法，個建築物本身係細 🙈