我哋見到 Signlove 嘅booth擺咗韓國濟州島嘅相，於是就想去影。一開始我哋揀十月尾去影，個男老闆都話去過韓國睇完啲場好靚，佢知我哋想影紅葉，佢話一定冇問題，但最後係成個trip都影唔到😅應該係因為我哋去嘅景都冇紅葉，但就影到芒草。可能濟州島全部都係草地、樹木，影出嚟唔覺得係濟州島，好似去咗香港郊野公園影咁😣 攝影師係韓國人，個package包咗一個識普通話嘅翻譯，同攝影師溝通幾好，佢有教我哋點樣擺pose😊可能唔同攝影師嘅風格唔同，出嚟嘅效果同我哋之前睇sample唔同 🙈我地expect好柔和、自然嘅效果，成品唔係唔靚，但唔係我期望嘅style，色彩比較鮮豔。另外，出發前一個月佢哋有約我上office傾下有咩要注意、個package包啲咩，我有話過當日想要一件輕便、但影出嚟效果好睇嘅婚紗，咁啱佢哋office又有婚紗，就免費借比我帶過去，幾貼心！😉