呢位導演佢哋平時幫人拍開event，因為我老公識佢，咁Asia Tiger 就捱義氣幫我哋做婚禮攝影，包晒早拍晚播、攝影、攝錄，由朝早八點跟到夜晚十一點👏🏼 我哋一早就有同佢溝通好，講過想要多啲花絮，知道佢哋做嘢好快手，可以捕捉到好多moments，所以我哋都冇特別提出要求，好相信佢哋嘅專業，放心交比佢哋做，出嚟嘅效果都好好，成件事好順暢，好滿意😍！佢哋團隊有三個人，同親戚朋友、兄弟姊妹嘅溝通做得好好，冇甩漏！早拍晚播嘅片段拍得好好，其他婚禮相片、影片就要一個月左右先比到我，所以未收到全部，暫時只收到精選、花絮，但我睇完覺得好滿意👍🏻！如果可以快啲有相就錦上添花，好心急想睇！