我哋擺酒圍數少，得13圍，問過好多間都有minimum charge，會變咗兩萬幾蚊一圍，所以擺晏晝會好啲。我哋去過睇JW嘅showcase，佢哋比起其他酒店好有誠意，會比我哋睇食材方面嘅選擇同試菜。擺晏晝JW比我哋嘅時間都好鬆動，幫我哋提早同延長咗個時間，令我哋rundown唔需要咁趕，八點半已經比backdrop公司入去佈置，四點前清曬場就ok，真係無揀錯 😍！婚禮前我哋去同佢傾咗兩次rundown，佢哋做嘢好快手；佢哋職員仲好貼心，幫我哋拎蒸氣熨斗！我哋本身講好咗十點半會出門落到樓下ball room斟茶比男家親戚，佢哋會stand by好所有茶具，但係我哋遲咗落去，落到去都未見有茶具ready，原來佢地Set咗喺隔離房，我哋ready就會搬過去，但對於我哋嚟講有少少阻時間，不過可能係佢地想guest可以喺backdrop前面影相而無一開始就放茶具入去🤔

晏晝擺酒會比夜晚少咗兩、三道菜，我淨係食咗乳豬、蝦球，但佢哋嘅嘢食好好食😋！試菜時我食過蟹鉗，佢哋好有諗頭，喺入面釀咗啲櫻花蝦！男家女家兩邊都有親戚食齋，一圍枱12個人，為咗保持食物質素，佢哋唔可以將食齋嘅人本身嘅食物調去另一張枱，所以最後佢哋安排咗15個人嘅枱畀我哋，變相唔會浪費食物👍🏻