係JW Marriott 擺酒真係無敵！😂佢地完全超出我既期待！尤其係疫情底下佢地真係處理得好好。我聽過有啲酒店淨係俾延期唔俾減圍數，但JW Marriott 好盡力配合新人，俾我地減圍數同minimum charge。當晚另一個場無人用，酒店就開放埋另一邊場地俾我地，每圍隔開啲，大家都安心啲。Event coordinator Yuki同 新娘既assistant Jackie都好稱職。Jackie遞水俾我地飲既時候會用保鮮紙包住，俾口罩我地之前先消毒左自己對手，再搵紙巾包住個口罩俾我地。呢啲細節令我地好放心。 雖然佢地價錢唔平，但真係物超所值，佢地既資源人手都好充足，無論係宴會、酒店房、服務我地都好滿意。野食真係好surprise, 我個晚無聽過任何賓客講過邊一道菜係唔好食。完左晚宴之後，同事好細心咁將留俾我地既野食叮返熱俾我地食，依然都係好好食。雖然我地有加錢upgrade菜單，但我相信佢地普通既菜單都係好食。就算係第二朝個早餐都係好好味。 本身我地既package係包左前一晚同後一晚既住宿，我地自己另外book多一間房俾媽媽前一晚住，係酒店入門。我原本以為媽媽間房會離我地間房比較遠，但最後可能少客人入住既關係，酒店安排左間相連房俾我地，仲要係270度既海景房，爸爸媽媽都好滿意。 我地租埋佢地7樓既半戶外證婚場地，我地好慶幸當日用呢個場證婚。因為當日少少雨, 但係場地有瓦遮頭所以我地唔洗搬返去酒店室內證婚👏🏼而且佢地仲有啲after service既服務，例如俾左我地每人一張complementary card，之前幫襯佢地既服務同膳食都有7折優惠，佢地既buffet出名好食😋，所以真係好抵。2萬幾蚊一圍的確係唔平，但我覺得值回票價！👍🏼👍🏼

 一開頭諗住擺20圍，本身香港唔係有好多酒店場地可以擺到咁多圍，特別可以俾我地間場嘅酒店。我地搵左好多間，JW Marriott 係唯一一間top tier都可以間到場嘅酒店。佢地本身係擺50圍，但係都俾我地cut一半，做到我地想要嘅size， 所以覺得佢地幾好！Event manager Shannah係非常之好，真係要開下名讚下！佢非常之細心，同埋佢回覆得好快！佢同我地開左WhatsApp group , 我地中間要佢做嘅野，佢全部都做到哂，連我地無叫佢做嘅野，佢都會做埋，所以真係非常滿意佢嘅表現呀！ 同埋當日我聽返來賓有關waiter同場地嘅comment，都係好好嘅，話啲野食夠熱，份量夠，好多賓客都讚好味。 唯一係佢地交場時限比較趕，因為之前有event，所以如果佢可以再早啲俾個場我地就更加好... 可以擺到20圍，高樓底，無柱，而且野食好食、個event manager又跟得好好，所以我地都真係好滿意！當日都完全無任何甩漏，所有燈光音響都配合得好好👏🏼