我有朋友喺王子婚紗度影過相，介紹咗比我，我睇過佢哋影相質素ok，問完個價錢又唔貴，所以影咗一輯studio同外景相。因為佢哋係大陸公司，所有嘢都要去大陸搞，我地來回大陸五次，揀衫、影相、執相、拎相。攝影師影相要求好高，同日本嘅攝影師好唔同，日本追求自然，但呢間攝影師要求我哋好似model影硬照咁擺pose，我影完覺得好攰，但係佢哋影出嚟嘅效果好靚😍 影完睇過未執嘅相已經覺得好高質，影相嘅角度特別靚，整到我哋兩個想要嘅風格。因為係大陸公司，所以用人民幣比錢，成個package包咗三十幾張執相、兩款相簿、兩／三個油畫、三個座枱相架、摩天輪，本身油畫嘅size好似40吋電視機咁大，我同佢講唔需要咁大，要個細嘅就得，如果唔介意去大陸影相，包咁多嘢係幾抵！