見好多人讚天澄閣好，睇過場地好靚，都適合我地要擺嘅圍數，價錢又ok。我地target左尖沙咀九龍地段，都比較左尖沙咀好幾間，之後帶埋屋企人睇場，佢地都覺得天澄閣係最好。佢地服務同職員都好好😊擺夜晚酒佢都有唔同menu俾我地揀，同埋額外送好多佈置俾我地，D配套幾好。我地無咩特別要求，所以個過程好smooth，佢地whatsapp都覆得好快，或者有時我打電話去問佢地D同事，都係好快覆。我地都驚簽之前佢sell你就好好禮貌，簽完之後就會唔理我咁，但簽左約喺佢地度擺酒之後，跟我地嗰位經理Terry都係跟得好足! 我地問完D問題唔記得左，佢會好細心再答我。 到我地愈黎愈近擺酒嘅日子，一路whatsapp佢問返D野，都係一個鐘頭內覆 😙

Big Day 當日成個流程都係好smooth，我地之前都俾哂D CD去要播D咩歌，咁音響無任何問題出現。反而聽D朋友講，話march in 燈光可能就差小小，我地有D花仔花女係我地前面行，supposed 有 spotlight 帶佢地行，但最後無，所以佢地唔係好識行。可能呢個位無特別教小朋友或者rehearse， 純粹係我地D親戚朋友教佢地行，如果天澄閣嗰邊都教埋點行就更加好 😊 同埋我有D席前小食可以揀，但係出到黎好似係同我揀嘅係有D唔同，我都無時間再去跟進... 聽返D賓客講，都係話D野食好味，都熱，份量夠，D staff都serve得ok! 當日我地擺左29圍，空間感都夠，個場好闊落，唔會迫👍🏻