我之前pre-wedding搵咗Dream's影相，影完覺得佢哋好好，擺完酒後再搵佢哋去台灣影多次全家福。上一次係我同老公影相，今次帶埋屋企人，怕佢哋唔習慣影專業嘅相，所以叫Dream’s方面畀咗啲意見我哋，地方都盡量方便屋企人去影相。最後我揀咗台北文創園區影相☺️未出發前我已經揀咗衫，去到一試就啱，佢哋知我想屋企人著藍色dress code，準備咗藍色嘅晚裝畀我哋揀，好快就揀啱，款式選擇好多！拍攝嗰陣佢哋好識得運用技巧令我屋企人好自然咁笑，教佢哋點樣擺pose，攝影師好落力影相、擒高擒低，講好多嘢引我哋笑，令我哋唔覺得攰👍🏻 佢哋好貼心，化妝、揀衫好好，唔使我點講已經化得好靚，我哋想影嘅情景、pose佢哋都影得好好，影完一睇相機已經覺得好靚，唔使點樣執相！影完相隔咗兩日已經收到隻碟，收到晒所有相，返香港慢慢揀再做後製，後製亦會加啲特別效果。