我地喺中大相識，所以想返中大影相。最初想影studio同外景各一輯相，見Mina Wedding有影過中大外景，影出嚟天人合一好靚，加上佢哋嘅studio係韓式，影出嚟都幾靚，就揀佢地。一開始我哋唔係好習慣對住鏡頭，佢哋嘅攝影師都lead到我哋，講下笑，影到個感覺出嚟都幾開心！佢哋包化妝、服裝，化妝師都化得幾好，服裝方面選擇唔算好多，但都揀到！但係佢哋會收好多額外費用，我覺得唔係好老實😳佢話會畀曬所有高清檔我，但佢畀番嘅係完全冇執過嘅相，之後話可以畀啲effect相我，即係調一調色，但唔會幫我細執皮膚、身體線條等等嘅位置，要執就要加幾千蚊😟 既然我哋join咗，見到啲相咁靚，都要焗住畀錢執，最後我哋加咗三千幾蚊要咗百幾張effect檔，仔細執嘅部分唔多，放大少少睇都會睇到瑕疵...