去朋友婚禮時見到佢哋用Ocean Wedding影啲相好靚，幾鍾意Ocean Wedding 嘅style。我哋揀咗去關西影櫻花，佢哋好熟嗰度，地點方面畀咗好多意見，share咗好多以前新人影過嘅相畀我哋睇，話可以帶我哋去影櫻花。除左櫻花，我地仲要影埋小黃花、神社，最終我哋都成功影到曬👏🏼佢哋拍攝團隊做得好好，我哋完全冇咩idea，佢哋幫我哋編排好曬所有路線，教我哋點樣影，準備好晒所有野。我哋指定咗一位攝影師，因為朋友話佢會瞓曬身幫我哋影，到影相嗰日佢真係瞓地幫我哋影，勁專業！😛影完佢會即時畀相機啲相我哋睇睇效果，由朝早到晏晝大家有商有量，睇下有咩需要改善。我哋喺香港揀好衫先過日本，服裝方面選擇好多，我聽咗佢哋嘅意見就揀到啱心水嘅衫帶過去嗰邊影相。我有同佢哋講過想要化妝髮型係點樣，佢哋好配合到，出嚟效果都係我想要嘅。我已經收到部分執咗光暗嘅相片，就咁睇已經好鍾意，之後應該好難揀相，因為每一張都好靚好鍾意！😍我未婚夫都好滿意！當日有少少插曲，因為天陰影唔到日落，初少少失望，但我未婚夫覺得天陰係好事，如果全日都好曬，好難睜開眼影相，所以都好滿意，大讚！ 我哋有搵佢哋影咗一輯studio相，因為佢哋話去日本第一次影會好生硬，要warm up下會更好，要同攝影師溝通下先，所以我哋影咗一個鐘，佢哋嘅場景唔算好多，但影一個鐘嚟講都算足夠😊 睇返studio相其中一個post我唔太鍾意，同佢哋講返都有商有量，去日本影嘅時候唔需要再擺呢個pose😝