見到Ocean Wedding有影日本櫻花，覺得幾幾吸引！之後去咗佢哋新蒲崗嘅studio，同事Daisy介紹成個影相嘅流程、Package，話畀我哋知可以去邊度影相，最後我哋揀咗Osaka😍佢哋有問我哋鍾意影咩，我哋主力想影櫻花、去奈良影鹿，最抵讚係佢哋會有車車埋我哋去影相！除咗影婚紗晚裝外，我有要求影和服，佢哋先帶我去和服店揀咗衫，再帶我去化妝著衫。我喺香港揀咗衫先過去，前後我試咗兩次，第一次揀咗返到去覺得唔係幾好，佢哋肯畀book個日期試第二次，冇額外收費☺️ 攝影師Hero好落力幫我哋影相，直情瞓喺地下幫我哋影😮好好彩我哋拍攝當日天氣好好，前幾日仲落緊大雨。到咗夜晚會比較凍，佢哋好貼心問我哋需唔需要暖包貼身。佢哋唔介意影到好夜，我哋影到個山已經冇曬人，得返我哋，over左時間都冇再收我錢。佢有額外幫我哋影多咗個地方，之後送我哋返酒店，最後換件衫出去同佢哋食左餐飯😃佢哋亦有幫我哋拍video影pre-wedding花絮，去到邊拍到邊，喺婚禮上播。因為我婚期下年，所以佢哋先畀咗廿幾張相我睇先，我啲朋友睇完都話覺得好靚，最鍾意係奈良輯相！😍佢哋最勁係可以搵到側邊冇乜人嘅地方影櫻花，啲櫻花仲要開得好靚！我去嗰時已經係4月中，櫻花已經唔太多、唔太靚，但佢哋可以帶我去一個好靚嘅地方影相，所以好滿意呢輯相！佢哋嗰日由朝早七點嚟到酒店接我哋，影到夜晚十點，辛苦曬佢哋！去到奈良影鹿係最辛苦，其中一張相影得好靚係啲鹿圍住我哋兩個，化妝師同daisy不停喺山上走來走去餵鹿，引啲鹿係我哋身邊影相，好犀利！😍