結婚係一生人一次，好多嘢唔識，我成日有好多問題問佢哋嘅職員，有時凌晨一兩點搵佢哋都好快覆，佢哋好nice，好配合到，安排好曬所有嘢。我本身係去睇下佢哋價錢如何，又同佢哋嘅經理好好傾，叫佢畀優惠我又好快應承，畀我包曬成個尖沙咀嘅場。楊經理同吳經理畀咗好多意見我，有時啲嘢唔關佢哋事都會盡力解答我，好helpful👍🏼！佢哋對我屋企人照顧好周到，對老人家特別照顧，我有部分屋企人係食齋，佢哋會即時煮，我啲親戚都讚好好食😋！佢哋留意到其中一個賓客冇乜點食齋菜，同我講返問係唔係唔啱食，佢哋真係好有heart去做！佢哋照顧周到，啲賓客都一致讚好！如果要講可以做得更好嘅地方，就係佢哋會送嗰啲嘢款式、配搭比較少，如果可以翻新下就好！但係我自己好喜出望外，佢哋喺酒樓嘅價錢，但係服務畀好多大酒店都好，啲嘢好好食😋！