我有去其他朋友婚禮做姊妹，見過其他化妝師，只係轉妝時先會做嘢，其他時間都係玩手機，但係Debbie唔會，我一落車就幫我補妝，要轉妝時就幫我轉，跟得好貼👍🏼！無論髮型、化妝，都set得好好！我對化妝冇乜特別要求，想要清新，唔使太誇張，同想個髮型set得好睇啲。我去試妝時冇染髮，頭髮又唔太長，但佢都做到我想要嘅效果，比我想像中好好多，個package都好抵，所以就揀佢。佢不停叫我send有冇啲髮型係想要嘅畀佢，send衫嘅相畀佢，方便佢幫我訂頭紗，我有特別request要繡球花，佢都幫我處理好。佢整嘅髮型全部都好靚，我啲姊妹個個都讚💖，最重要係好有心機，跟得好貼，全日幫我轉妝補妝！