我婚禮前八個月先揀好日子，想有個位可以做證婚，佢哋咁啱有個平台，又有人介紹咗佢哋宴會部經理畀我識，性價比好高，以前都有去過佢哋度飲茶，食物質素ok，所以就決定揀呢度。佢哋嘢食幾好食，staff好醒目、好快手，我哋其中一個朋友係食素，有好多酒店酒樓都會忽略咗食素嘅人，但佢哋好pay attention，會問清楚係邊一枱邊一個人，當日我食素嗰位朋友都好滿意，必須讚下佢哋👍🏼！不過我播片時佢哋其中一個員工好似唔係好熟手，搞到當時有少少dead air，唔係幾好，但其他都幾好。