我係上網搵到佢嘅，因為我本身係一個對化妝品好易敏感嘅人，就算啲咩高級牌子都有試過有敏感嘅問題，所以當時我搵佢嗰陣我都同佢講咗我好易敏感，但試完妝之後都完全無敏感嘅問題😁同埋佢真係好細心，佢好知道你想要啲乜，又好有心機，佢會幫埋我媽咪奶奶化妝，仲幫埋佢哋轉妝，其實真係好有耐性。同埋佢都好nice，好似朋友咁，相處落都好舒服，傾落都幾好傾。Bigday當日嘅妝真係last到好耐，keep妝轉妝嘅速度都好快，同埋bigday前搵佢嗰陣特登問我著咩婚紗，就比咗好多頭飾手飾比我去戴！同埋最尾bigday全日都完全無敏感嘅情況出現，真係好感動！可能係因為經驗多，所以佢會知道邊種皮膚唔用得咩化妝品！我仲要事後都有問返佢有邊啲用得，邊啲唔用得，我係佢身上學咗好多化妝嘢！💖