我鍾意樓底高既場地，比較完之後就覺得W Hotel最有氣派。我好多謝W Hotel既所有同事，佢地全部都幫咗我好多。我最想多謝啊Bel，我老公為咗big day當日俾驚喜我，Big day前一個禮拜有一晚約啊Bel出黎攞usb，啊Bel都肯👍🏼。同埋Big day當日接新娘個間房既門壞咗，佢即刻換咗間房俾我地，當晚仲upgrade埋間三千呎既房俾我地！好多朋友都話W Hotel既野食好難食，搞到我都好擔心食物質素，但係當晚每個親戚朋友都大讚啲野食，黑松露麵，蟹....都好好味，直情要打包攞走😂。係音響麻麻地，我係台上面講嘢後面唔係幾聽到。Silvia都好抵讚，當晚我先發現有條裙改錯咗size，所以我著唔到，但係Silvia竟然可以即刻幫我改返鬆條裙，好犀利！！😍😍同埋證婚之前我完全冷靜唔到，喊到停唔到，Silvia就係咁遞紙巾俾我，又安撫我情緒，等我放鬆返少少😌，真係好多謝佢。另外當晚我自己訂咗個啲酒全部飲曬，仲要唔夠飲，所以我就幫襯咗酒店自己出既紅白酒任飲plan，最後我啲guests飲咗人地好多酒但係佢地都無話要限住，好nice。呢間酒店真係全部職員都超級好啊！😝