我覺得啊kel好有誠意，我同其他攝影公司傾完之後多數佢地都係就咁叫我考慮下，但係啊kel就會傾完幾日之後問下我考慮成點，我就覺得佢地好有心，同埋我係Facebook見過佢地既作品都覺得幾特別幾靚，所以就揀咗佢地。Big day當日我自己早起身好攰，加上又猛太陽，所以我有一段時間無咩心機影，但係啊kel就不斷哄我，話“乖啦乖啦，影埋就可以抖”我真係覺得佢地EQ好高又好有耐性，因為我都知攝影師無義務哄我架嘛😝。佢地有時講下笑話都令我放鬆啲，無咁炆。個日我好多情緒，笑到好攰佢地都好包容，又會安撫我👍🏼👍🏼。最後佢幫我OT咗成個鐘都無收返我錢，超好。加上我啲姊妹又同啲攝影師好夾，有講有笑，所以成個過程都好開心。Hugo同啊Kel我都好想多謝啊。本來我個plan係唔包成長片段，但係最後佢地都送埋俾我。同埋本身佢地講咗話成長片段淨係可以剪一次，但係我臨時搵得返啲相出黎，問佢地可唔可以幫我再剪，佢地都話無問題，我send多咗相俾佢地但係佢地都盡量幫我放曬落去條片度，做咗咁多extra既嘢俾我真係好好啊😍。我big day之後就係新年，佢地都要放假，但係都可以兩個月內俾返曬啲片同相我，好快好有效率。💖👏🏼