我哋揀咗係Kerry Hotel出門。呢間酒店都幾靚幾新淨，酒店房既價錢又相對合理，間房又大又有海景，同埋設施都幾多幾齊全。前一晚我仲同朋友一齊落去焗桑拿放鬆心情，因為實在太緊張喇😅。本來我都諗住係屋企出門既，但係成三四十人逼曬係度我又唔知屋企夠唔夠位，呢間酒店房又有成千尺，所以最後都係揀酒店出門。職員都好nice既，帶我地去睇房既職員都好好。同埋我自己唔鍾意啲太傳統，古典既裝修，而呢間既裝修就係比較新派啲，我鍾意多啲😌。