花球方面我哋揀了Lemongrass。其實呢間都幾出名，啲款又靚又比較平價，係我鍾意既style。接洽個陣Michelle態度都好nice,有跟返我要求去整。佢好細心，安排又好周到，當日用咗花樽養住啲花令到啲花全日都可以keep住新鮮。同埋佢知道我結婚個日天氣好熱，所以就特登用啲未開曬同埋唔會開得咁勁既花黎做花球，好專業👍🏼。同埋佢覆message都覆幾快，都盡責。佢重會跟返花季俾款式我選擇，都幾多款可以揀。我比較過其他公司，一個花球已經要$3000-$4000，但係呢間就$3000包曬花球+襟花😝，所以都相對抵既，佢仲送埋束頭花俾我。👍🏼