我係Facebook搵化妝師嗰啲就搵到佢地，都有比較過幾間，而我老公就睇左佢地擺係Facebook上面嗰啲相去決定嘅。Heidi啲相係可以放到好大，俾你睇到好detail嘅位，例如眼妝咁👀。我地覺得好似幾OK，就去左試妝。試完妝覺得都唔錯，就即場confirm左。嗰日下晝試妝，髮型試左三四個款，無論係紮辮定係將頭髮放落嚟嘅佢都有幫我試。而妝就試左三個，正式咁計好似係兩妝兩頭👰🏻。姊妹妝我地都係搵佢幫手化。佢當日同個助手係跟足全日嘅，嗰日朝早又搵多左兩個助手過嚟幫手化姊妹妝，都係提早到。到左之後就即刻做嘢，好快手咁搵左個地方三四個人一齊開始化妝。嗰日化嗰啲妝真係好靚好靚，同埋Heidi本身好識影相😍。有時化完妝，淨係得番我同佢兩個人， 佢都會幫我影好多靚相。Heidi做其他嘢都好叻👍🏻，中間酒店佈置方面唔係好順利，佢都俾到意見我地。我地先知原來佢之前有做過wedding planner嘅。Big Day嗰日化妝嘅效果仲好過試妝，同埋佢好快手，嗰日轉左成五六個髮型，轉妝都好快。同埋佢幫我著裙，整nude bra嘅效果真係好好，全日都係順順利利。佢又會同我傾計，仲送左啲鮮花頭飾俾我🌺，係佢自己搵左一日特登出去買嘅。因為Big Day前一日我染左頭髮，佢會再幫我試下揀左嘅嗰啲髮型，又問定我會著咩裙，仲買左好多鮮花俾我Big Day嗰日用，最後個效果都襯到幾好。