其實揀Lamira Bridal真係決定得好倉促，主要係因為佢地既package係一個價錢包咗五件，而我自己加埋屋企人都需要好多件，所以我覺得佢地一個價錢可以租曬咁多件比較方便。但係除咗呢樣優點之外，我覺得佢地既服務同啲衫既質素其實一般般，唔係特別好。例如佢地啲staff，除咗老闆之外，態度都麻麻地😕。佢地既安排又唔夠彈性。一般婚紗店都會提供一個時段俾客人還衫，但係呢間就會要求客人係指定時間點去還衫。即係講好咗話2:30就一定要2:30去到還，早少少遲少少都唔得😵。同埋佢地鋪頭比較晏先開鋪，我覺得有啲難去就時間試衫。另外我需要租一件輕婚紗去外地影結婚相。但係呢間既輕婚紗選擇好少，最後我租咗件唔係特別鍾意既，反而晚裝既選擇會比較多。總之其實我租呢間都係因為方便而租，如果我當初有比較多幾間既話我應該唔會揀佢。🤐