我係為咗個紫色既花牆所以先揀ClubONE Spotlight 博藝會既💜，揀咗佢地之後我既感覺就係無揀錯。😎  之前聽過其他新娘話呢間唔好，啲同事咩都計錢，唔加錢就咩都唔肯做。但係我遇到既同事就完全唔係咁，佢直程會同我講埋公司包咗呢樣嗰樣....我可以慳返啲錢。👍🏼尤其我想讚下一直跟我地個case既女同事芷欣。我地由睇場到落訂，成個過程都係佢負責，佢俾咗好多意見我地。例如我地打算請琴司，佢就suggest我地可以簽紙同落訂嗰陣都用琴司。同埋場地佈置嗰度本來個花牆已經好靚，但係佢再幫我用啲燈柱裝飾得好好睇😍。同埋我地有個紅酒counter係場入面，佢就幫手預留返位置，又幫我地安排啲guests點去，同埋搵咗同事做介紹。🤩 Big day當日都係佢全日跟住我，幫我整下裙尾，攞野飲野食，提我點樣做影相會影得靚啲，好貼心😚😚。又有屋企人同我講過Club One啲野唔好食，凍架。但係我地擺酒既呢間就完全無呢個問題，我自己都覺得啲野食ok👍🏼。但係我擺酒當日因為其他場無活動，有啲其他場既經理就過埋黎我個場個度揍熱鬧，唔係話有咩大問題既，但係我覺得無啦啦多咗咁多個我完全唔識既人在場就令我感覺怪怪地，呢點佢地可以注意返🤔。