揀御苑皇宴係因為有親戚去過嗰度參加飲宴，覺得啲野食好味，所以叫我揀。老人家都係比較注重野食夠唔夠體面，好唔好味。😅 同埋我同另一半又無堅持一定要揀酒店擺酒，所以就決定係呢間擺。除咗野食好味之外，佢個場地都靚，我地揀嗰個場係有海景既。同事既經驗都好豐富，幫到我地。例如會建議我地點安排酒席，又會係我地Big day前一日開定間新娘房俾我地擺衫等等。👏🏼 佢地個新娘房好大好夠位，有埋獨立廁所。我見過其他酒店既新娘房好細，容納唔曬啲姊妹。但係御苑皇宴係呢方面就做得幾好，我都好滿意😊。當晚啲經理都好幫得手，有啲咩突發事件都可以幫我地處理到，唔洗我地煩👍🏼