The Flash Motion Wedding既拍攝手法好有創意，影出黎既作品比較與別不同。事前我地同佢地開咗兩次會，佢仲叫埋我地既兄弟姊妹上黎傾ideas。通常早拍晚播嗰條片都係好溫馨好感人架嘛，但係我地嗰條就係行型格路線既。每個兄弟姊妹都會扮到好似特務咁，一人攞住支玩具槍。😎 另外係我地march in嗰陣，佢地suggest拍一條全部賓客淨止唔郁既片，最後又真係拍到出黎，效果好得意好特別，個個都睇得好開心😝，總之就有好多好玩同搞笑既元素。同埋佢地既攝影師都好有sense同埋有經驗。佢地會叫我同老公係一啲比較特別既位嗰度影相，例如屋企樓下嗰個信箱櫃。我地開頭完全唔明點解要係嗰個位影🤨，但係之後就知道原來攝影師係睇中個信箱櫃會反光，就折射到我地個樣出黎，張相好靚好特別🤩！仲有佢地當晚好幫得手，會幫手排rundown，又會好仔細咁影大合照，確保每批賓客都係影得好先會影下一批人，同時又好快手影曬，令到我地個rundown可以好順暢👏🏼。我地比較過其他攝影公司，我地呢間因為係比較出名既，所以價錢都偏貴。但係為咗佢地嗰個風格，最後都係決定揀佢地。😆